வார ராசிபலன் 10-12-2015 முதல் 16-12-2015 வரை
மேஷ ராசி வாசகர்களே!
உங்கள் ராசிநாதன் செவ்வாய் 6-ல் உலவுகிறார். குரு, ராகு, ஆகியோரது சஞ்சாரமும் சாதகமாக இருப்பதால் தெய்வானுகூலம் உண்டாகும். சாதுக்கள், மகான்களின் ஆசிகள் கிடைக்கும். பண நடமாட்டம் திருப்தி தரும். எதிர்பாராத பொருட்சேர்க்கையும் நிகழும். நண்பர்களும் உறவினர்களும் ஓரளவு உதவுவார்கள். தொலைதூரத் தொடர்பு ஆக்கம் தரும்.
செய்து வரும் தொழில் விருத்தி அடையும். உழைப்புக்குப் பின்வாங்காமல் கடுமையாக பாடுபடுபவர்களுக்கு வருவாய் அதிகம் கிடைக்கும். நிலபுலங்களால் ஆதாயம் பெற வாய்ப்பு உண்டாகும். வாரப்பின்பகுதியில் முக்கியமான காரியங்கள் நிறைவேறும். கணவன் மனைவி உறவு நிலை சீராகும். வாரத்தின் முதல் இரண்டு நாட்கள் சோதனையானவை. தந்தை நலனில் கவனம் தேவைப்படும். அரசு சம்பந்தமான காரியங்களில் விழிப்புத் தேவை.
வேலையாட்களால் தொந்தரவுகள் அதிகரிக்கும். கறுப்பு நிறமுள்ளவரிடம் விழிப்புடன் பழகுவது நல்லது. கண், மறைமுக உறுப்பு சம்பந்தமான உபாதைகள் சிலருக்கு ஏற்படும்.
அதிர்ஷ்டமான தேதிகள்: டிசம்பர் 13, 15, .
திசைகள்: வடகிழக்கு, தென்மேற்கு, தெற்கு.. .
நிறங்கள்: சிவப்பு, பொன்நிறம். .. .
எண்கள்: 3, 4, 9.
பரிகாரம்: சூரியனுக்கும் சனிக்கும் அர்ச்சனை, ஆராதனைகள் செய்வது நல்லது.
ரிஷப ராசி வாசகர்களே!
உங்கள் ராசிக்கு 8-ல் புதனும் 11-ல் கேதுவும் உலவுவதால் நல்லவர்களின் தொடர்பு நலம் சேர்க்கும். வியாபாரத்தில் அபிவிருத்தி கான வாய்ப்புக் கூடிவரும். எழுத்தாளர்களுக்கும் பத்திரிகையாளர்களுக்கும் முன்னேற்றமான பாதை தெரியவரும். தொலைதூரத் தொடர்பு ஓரளவு நலம் தரும். செய்து வரும் தொழிலில் சீரான வளர்ச்சி காணலாம். எதிரிகள் இருப்பார்கள் என்பதால் யாரிடத்திலும் வெளிப்படையாகப் பழகலாகாது.
மக்களால் நல்லதும் அல்லாததுமான பலன்கள் கலந்தவாறு ஏற்படும். கணவன் மனைவியிடையே கருத்து வேறுபாடுகள் உண்டாகும். விட்டுக்கொடுத்துப் பழகுவது நல்லது. வயிறு சம்பந்தமான உபாதைகள் ஏற்படும். கர்ப்பிணிப் பெண்கள் எச்சரிக்கையுடன் இருப்பது நல்லது. கலைஞர்கள், மாதர்கள் ஆகியோருக்கெல்லாம் பிரச்னைகள் சூழும். வாரப் பின்பகுதியில் ஒரு காரியம் நிறைவேறும். உடன்பிறந்தவர்கள் அளவோடு உதவுவார்கள். மாணவர்களுக்கு நல்ல வாய்ப்புக்கள் கூடிவரும். ஆராய்ச்சிகளில் ஈடுபாட உண்டாகும்.
கூட்டாகத் தொழில் செய்பவர்கள் பங்குதாரர்களை நம்பி முக்கியமான பொறுப்புக்களை ஒப்படைக்க வேண்டாம்.
அதிர்ஷ்டமான தேதிகள்: டிச 10, 15, .
திசை: வடமேற்கு, வடக்கு .
நிறங்கள்: மெரூன், பச்சை.
எண்கள்: 5, 7.
பரிகாரம்: மகாலட்சுமி அஷ்டகம் படிப்பது நல்லது. ஏழைப் பெண்களுக்கு நல் உதவி செய்யவும்.
மிதுன ராசி வாசகர்களே!
உங்கள் ராசிக்கு 5-ல் சுக்கிரன் வலுத்திருப்பது விசேடமாகும். சூரியன், சனி, கேது ஆகியோரது சஞ்சாரமும் சிறப்பாக இருப்பதால் எதிர்ப்புக்களை வெல்லும் சக்தி பிறக்கும். அரசு விவகாரங்களில் நல்ல திருப்பம் உண்டாகும். முக்கியஸ்தர்களும் மேலதிகாரிகளும் உங்களைப் பாராட்டுவார்கள். பண வரவு சற்று அதிகரிக்கும். உழைப்பாளர்களுக்குளௌரிய ஊதியம் கிடைக்கும். நல்லவர்களின் தொடர்பு நலம் சேர்க்கும். 4-ல் செவ்வாயும் ராகுவும் இருப்பதால் நிலபுலங்கள் சம்பந்தமான பிரச்னைகள் ஏற்படும்.
வண்டி, வாகனங்களில் செல்லும்போது எச்சரிக்கை தேவை. சிறு விபத்துக்கு ஆளாக நேரலாம். குரு பலம் குறைந்திருப்பதால் பொருளாதாரம் சம்பந்தமான காரியங்களில் விழிப்புடன் ஈடுபடுவது நல்லது. உத்தியோகஸ்தர்களும் ஆசிரியர்களும் பொறுப்புடன் காரியமாற்றுவது அவசியமாகும். சினிமா, நாடகம், நாட்டியம், சங்கீதம் போன்ற கலைத்துறையினருக்கு சுபிட்சம் கூடும். புதிய ஒப்பந்தங்கள் கைக்கு வந்து சேரும். பெண்களால் நலம் உண்டாகும். வாழ்க்கைத்துணை நலம் சீராகும். புதிய ஆடை, அணிமணிகள் சேரும். கேளிக்கை, உல்லாசங்களில் ஈடுபாடு உண்டாகும்.
அதிர்ஷ்டமான தேதிகள் டிசம்பர் 10, 13.
திசைகள்: தென்கிழக்கு, வடமேற்கு, மேற்கு, கிழக்க
நிறங்கள்: நீலம், மெரூன், ஆரஞ்ச
எண்கள்: 1, 6, 7, 8.
பரிகாரம்: செவ்வாய், ராகு குரு ஆகியோருக்கு அர்ச்சனை, ஆராதனைகள் செய்வது நல்லது.
கடக ராசி வாசகர்களே!
உங்கள் ராசிக்கு 2-ல் குருவும் 3-ல் செவ்வாயும் ராகுவும் 4-ல் சுக்கிரனும் 6-ல் புதனும் உலவுவதால் முக்கியமான காரியங்கள் இப்போது நிறைவேறும். வியாபார முன்னேற்றத் திட்டங்கள் ஈடேறும். நண்பர்களும் உறவினர்களும் உதவிபுரிவார்கள். எழுத்தாளர்களுக்கும் பத்திரிகையாளர்களுக்கும் வரவேற்பு கூடும். மாணவர்களது நிலை உயரும். கணவன் மனைவி உறவு நிலை திருப்தி தரும். நல்லவர்கள் உங்களுக்குப் பக்கபலமாக இருப்பார்கள்.
நற்காரியங்களில் ஈடுபாடு கூடும். பொருளாதார நிலை உயரும். ஸ்பெகுலேஷன் துறைகள் ஓரளவு லாபம் தரும். கூட்டாளிகள் ஒத்துழைப்பார்கள். எதிரிகள் ஓடி ஒளிவார்கள். பிற மொழி, மத, இனக்காரர்களால் அனுகூலம் உண்டாகும். அயல்நாட்டுத் தொடர்பு பயன்படும். கேளிக்கை, உல்லாசங்களிலும்; விருந்து, உபசாரங்களிலும் ஈடுபாடு கூடும். சுகமும் சந்தோஷமும் பெருகும். நிலம், மனை, வீடு, வாகனம் போன்ற சொத்துக்களின் சேர்க்கையோ அவற்றால் ஆதாயமோ கிடைக்கும். போட்டிகளில் வெற்றி கிட்டும். விளையாட்டு விநோதங்களில் ஈடுபாடு அதிகரிக்கும்.
அதிர்ஷ்டமான தேதிகள்: டிசம்பர் 10, 13. 15.
திசைகள்: வடகிழக்கு, தென்மேற்கு, தென்கிழக்கு, தெற்கு.
நிறங்கள்: புகை நிறம், இளநீலம், பொன் நிறம், சிவப்பு,பச்சை.
எண்கள்: 3, 4, 5, 6, 9.
பரிகாரம்: ஆஞ்சநேயரை வழிபடவும்.
சிம்ம ராசி வாசகர்களே!
உங்கள் ராசிக்கு 3-ல் சுக்கிரன் உலவுவது சிறப்பாகும்.இதர முக்கியமான கிரகங்களின் சஞ்சாரம் சிறப்பாக இல்லாததால் சிறுசிறு இடர்ப்பாடுகள் அவ்வப்போது ஏற்படவே செய்யும். பக்குவமாகச் சமாளிப்பது நல்ல்து. வீண் அலைச்சலைத் தவிர்ப்பது நல்லது. உடல் நலனில் கவனம் செலுத்த வேண்டிவரும். பேச்சிலும் செயலிலும் வேகம் கூடாது. குடும்ப நலனில் கவனம் தேவை. புதியவர்களிடம் அதிகம் நெருக்கம் வேண்டாம். குரு 5, 7, 9-ஆம் இடங்க்ளைப் பார்ப்பதால் மக்கள் நலம் சீராக இருந்துவரும்.
வாழ்க்கைத்துணைவரால் அனுகூலம் உந்தாகும். தொழில் கூட்டாளிகளும், உடன்பணிபுரிபவர்களும் ஓரளவு உதவுவார்கள். சினிமா, நாடகம், நாட்டியம், சங்கீதம் போன்ற கலைத்துறைகளைச் சேர்ந்தவர்கள் வெற்றி நடைபோடுவார்கள். தகவல் தொடர்பு இனங்களால் வருவாய் கிடைத்துவரும். 4-ல் சனி இருப்பதால் உறவினர்களாலும் நண்பர்களாலும் சிறுசிறு பிரச்னைகள் ஏற்பட்டு விலகும். பெற்றோர் நலனில் கவனம் செலுத்த வேண்டிவரும். மாணவர்கள் தங்கள் திறமைக்குரிய வளர்ச்சியக் காண்பார்கள். .
அதிர்ஷ்டமான தேதிகள்: டிசம்பர் 10, 13, 15.
திசைகள்: தென்கிழக்கு..வடக்கு.
நிறங்கள்: வான்நீலம், வெண்மை.
எண்கள்: 5, 6.
பரிகாரம்: சனிபகவானுக்கு நல்லெண்ணெய் தீபமேற்றி வழிபடுவது நல்லது.
கன்னி ராசி வாசகர்களே!
உங்கள் ராசி அதிபதி புதன் 4-லும், சுக்கிரன் 2-லும் உலவுவது விசேடமாகும். சூரியன், சனி ஆகியோரது சஞ்சாரமும் அனுகூலமாக இருப்பதால் வெற்றி வாய்ப்புக்கள் கூடும். அரசாங்கத்தாரால் அனுகூலம் உண்டாகும். நிர்வாகத்திறமை கூடும். அரசியல்வாதிகளுக்கும் பொது நலப்பணியாளர்களுக்கும் நற்பெயர் கிட்டும். வியாபாரிகளுக்கு லாபம் அதிகமாகும்.
மாணவர்களது நிலை உயரும். ஸ்பெகுலேஷன் துறைகள் ஓரளவு லாபம் தரும். மக்களால் சுபச் செலவுகள் ஏற்படும். கணவன் மனைவி உறவு நிலை திருப்தி தரும். குடும்பத்தில் குதூகலம் கூடும். விருந்து, உபசாரங்களிலும் கேளிக்கை, உல்லாசங்களிலும் ஈடுபாடு அதிகரிக்கும். புதிய ஆடை, அணிமணிகள், அலங்காரப்பொருட்கள், வாசனைத் திரவியங்களின் சேர்க்கையோ, அவற்றால் ஆதாயமோ கிடைக்கும்.
தந்தையால் அனுகூலம் ஏற்படும். அரசு உதவி கிடைக்கும். புதிய சொத்துக்களும் பொருட்களும் சேரும். தாயாராலும் தாய் வழி உறவினர்களாலும் நலம் உண்டாகும்.
அதிர்ஷ்டமான தேதிக்ள்: டிசம்பர் 10, 13, 15.
திசைகள்: தென்கிழக்கு, மேற்கு, கிழக்கு, வடக்கு.
நிறங்கள்: வெண்மை, நீலம்.
எண்கள்: 1, 5, 6, 8.
பரிகாரம்: செவ்வாய், ராகு, கேது ஆகியோருக்கு அர்ச்சனை, ஆராதனைகள் செய்வது நல்லது.
துலாம் ராசி வாசகர்களே!
உங்கள் ராசி அதிபதி சுக்கிரன் ஜன்ம ராசியில் வலுத்திருக்கிறார். லாப ஸ்தானத்தில் குரு உலவுவதும் சிறப்பாகும். பல வழிகளில் வருவாய் வந்து சேரும். குடும்ப நலம் சீராகும். உடன்பிறந்தவர்கள் அளவோடு உதவுவார்கள். நண்பர்கள், உறவினர்களாலும் ஓரளவு நலம் உண்டாகும். மக்கள் நலம் மகிழ்ச்சி தரும். அதிர்ஷ்ட இனங்களால் ஆதாயம் கிடைக்கும்.
உத்தியோகஸ்தர்களது நிலை உயரும். ஆசிரியர்கள் போற்றப்படுவார்கள். ஆன்மிகவாதிகளுக்கு மதிப்பு உயரும். பேச்சிலும் செயலிலும் நிதானம் தேவை. வீண்வம்பு அடியோடு கூடாது. கண், கால் சம்பந்தமான உபாதைகள் ஏற்பட்டு விலகும். கலைத்துறையினருக்கு வெற்றி வாய்ப்புக்கள் அதிகரிக்கும். கணவன் மனைவி உறவு நிலை சீராகும். கூட்டாளிகள் உங்களுக்கு ஆதரவாக இருப்பார்கள். கேளிக்கை, உல்லாசங்களில் ஈடுபாடு உண்டாகும்.
பெண்களால் ஆடவர்களுக்கு அனுகூலம் ஏற்படும். ஆடை, அணிமணிகளின் சேர்க்கையோ, அவற்றால் ஆதாயமோ கிடைக்கும். 12-ல் செவ்வாயும் ராகுவும் இருப்பதால் வீண் செலவுகளைத் தவிர்ப்பதுடன், கைப்பொருளைப் பத்திரமாக வைத்துக் கொள்வது நல்லது. பயணத்தின்போது விழிப்புத் தேவை.
அதிர்ஷ்டமான தேதிகள்: டிசம்பர் 10, 13, 15. .
திசைகள்: வடமேற்கு, வடகிழக்கு, தென்கிழக்கு.
நிறங்கள்: மெரூன், இள நீலம், வெண்மை, பொன் நிறம்..
எண்கள்: 3, 6, 7.
பரிகாரம்: செவ்வாய், ராகு ஆகியோருக்கு அர்ச்சனை செய்வது நல்லது. திருமுருகனையும், துர்கை அம்மனையும் தொடர்ந்து வழிபடவும்.
விருச்சிக ராசி வாசகர்களே!
உங்கள் ராசிநாதன் செவ்வாய் 11-ல் இருப்பது விசேடமாகும். புதன் 2-ல் அமர்ந்து குருவின் பார்வையைப் பெறுவதும் நல்லது. ராகு 11-ல் உலவுவதும் சிறப்பாகும். உயர் பொறுப்புகளும் பதவிகளும் தேடிவரும். குடும்பத்தில் நற்காரியங்கள் நிகழும். நல்லவர்கள் உங்களைச் சூழ்ந்து இருப்பார்கள். நல்ல எண்ணங்கள் மனதில் உருவாகும். வியாபாரிகளுக்கு லாபம் அதிகரிக்கும்.
மாணவர்களது திறமை பளிச்சிடும். போட்டி, பந்தயம், விளையாட்டு, விநோதம், வழக்கு, வியாஜ்ஜியம் ஆகியவற்றில் ஈடுபாடு கூடும். அதனால் அனுகூலமும் உண்டாகும். நண்பர்களும் உறவினர்களும் உதவிக்கரம் நீட்டுவார்கள். நிலம், மனை, வீடு, வாகனம் போன்ற சொத்துக்களின் சேர்க்கை நிகழும். சொத்துக்களால் ஆதாயமும் கிடைக்கும். 5-ல் கேதுவும் 10-ல் குருவும் இருப்பதால் மக்களால் சில இடர்ப்பாடுகள் ஏற்படும். ஜன்மச் சனியின் காலமிது என்பதால் உழைப்பு அதிகரிக்கவே செய்யும். அதனால் உடல் சோர்வும் உண்டாகும். வாழ்க்கைத்துண நலனுக்காகச் செலவு செய்ய வேண்டிவரும்.
அதிர்ஷ்டமான தேதிகள்: டிசம்பர் 10, 13, 15.
திசைகள்: தென்மேற்கு, தெற்கு, வடக்கு, தென்கிழக்கு.
நிறங்கள்: சிவப்பு, வெண்சாம்பல் நிறம், இளநீலம், பச்சை.
எண்கள்: 4, 5, 6, 9.
பரிகாரம்: ஏழைகளுக்கும் கால் ஊனமுள்ளவர்களுக்கும் ஆதரவற்றவர்களுக்கும் உதவி செய்வது நல்லது.
தனுசு ராசி வாசகர்களே!
உங்கள் ராசிக்கு அதிபதி குரு 9-ல் பலம் பெற்றிருக்கிறார். செவ்வாய், சுக்கிரன், ராகு ஆகியோரது சஞ்சாரமும் அனுகூலமாக இருப்பதால் சுபகாரியங்கள் நிகழும். நல்ல எண்ணங்கள் மனத்தில் உருவாகும். பெரியவர்கள், தனவந்தர்களின் ஆதரவு கிடைக்கும். மன மகிழ்ச்சி கூடும். குடும்பத்தில் குதூகலம் நிறைந்திருக்கும். நல்ல தகவல் வந்துசேரும்.
செயலில் வேகம் பிறக்கும். வெளியூர், வெளிநாட்டுத் தொடர்புகள் பயன்படும். கலைத்துறையினருக்கு வெற்றி வாய்ப்புக்கள் அதிகரிக்கும். மாதர்களது எண்ணம் ஈடேறும். எதிரிகள் பயந்து நடுங்குவார்கள். வழக்கிலும், போட்டிகளிலும், விளையாட்டிலும் வெற்றி கிடைக்கும். துணிச்சலான காரியங்களில் ஈடுபாடு கூடும். மக்களால் நலம் பெருகும். உடன்பிறந்தவர்கள் ஆதரவாக இருப்பார்கள். பெண்களால் நலம் உண்டாகும். கணவன் மனைவி உறவு நிலை திருப்தி தரும்.
12-ல் சனியும் சூரியனும் இருப்பதால் எதிர்பாராத செலவுகள் வார முன்பகுதியில் ஏற்படும். சிக்கன நடவடிக்கை தேவை. வாரப் பின்பகுதியில் பண நடமாட்டம் அதிகரிக்கும்.
அதிர்ஷ்டமான தேதிகள்: டிசம்பர் 13, 15.
திசைகள்: தென்மேற்கு, வடகிழக்கு, தெற்கு.
நிறங்கள்: புகை நிறம். பொன் நிறம், சிவப்பு.
எண்கள்: 3, 4, 6, 9.
பரிகாரம்: சனிக்கும் சூரியனுக்கும் அர்ச்சனை செய்வது நல்லது. தந்தை வழி உறவினர்களுக்கு உதவி செய்யவும்.
மகர ராசி வாசகர்களே!
உங்கள் ராசிக்கு 3-ல் கேதுவும், 10-ல் சுக்கிரனும், 11-ல் சூரியன், புதன், சனி ஆகியோரும் உலவுவதால் ஒன்றுக்கு மேற்பட்ட இனங்களால் ஆதாயம் பெறலாம். பொது நலப்பணிகளில் ஆர்வம் கூடும். அரசாங்கத்த்தாரால் அனுகூலம் உண்டாகும்.
நிர்வாகத்துறையினருக்கு முன்னேற்றமான சூழ்நிலை நிலவிவரும். ஜலப்பொருட்கள் ஆதாயம் கொண்டுவரும். பழைய நண்பர்களது சந்திப்பு நிகழும். கலைத்துறையினருக்கு நல்ல வாய்ப்புக்கள் உருவாகும். மாதர்களது எண்ணம் நிறைவேறும். 12-ல் புதன் இருப்பதால் வியாபாரிகள் விழிப்புடன் செயல்பட்டால் நஷ்டத்துக்கு ஆளாகாமல் தப்பலாம். மாணவர்கள் படிப்பில் அதிக கவனம் செலுத்துவது அவசியமாகும். குரு 8-ல் இருப்பதால் பொருளாதாரம் சம்பந்தமான காரியங்களில் எச்சரிக்கை தேவை. மக்களால் மன வருத்தம் உண்டாகும்.
பெரியவர்களின் அதிருப்திக்கு ஆளாக நேரலாம். சுபகாரியங்கள் நிகழக் குறுக்கீடுகளும் தடைகளும் ஏற்படும். உத்தியோகஸ்தர்களுக்கும் ஆசிரியாகளுக்கும் பிரச்சினைகள் சூழும். பக்குவமாகச் சமாளிப்பது நல்லது.
அதிர்ஷ்டமான தேதிகள்:, டிசம்பர் 10, 15.
திசைகள்: மேற்கு, வடமேற்கு, தென்கிழக்கு, கிழக்கு.
நிறங்கள்: நீலம், மெரூன், ஆரஞ்சு.
எண்கள்: 1, 6, 7, 8.
பரிகாரம்: புதன், குரு ஆகியோருக்கு அர்ச்சனை செய்து வழிபடடுவது நல்லது. பச்சைப் பயிறு தானம் செய்யவும்.
கும்ப ராசி வாசகர்களே!
உங்கள் ராசிக்கு அதிபதி சனி 10-ல் உலவுகிறார். சூரியன், புதன், குரு, சுக்கிரன் ஆகியோரது சஞ்சாரமும் அனுகூலமாக இருப்பதால் சுப காரியங்கள் நிகழும். உற்சாகம் பெருகும். முக்கியப் பதவிகளும் பட்டங்களும் உங்களைத் தேடிவரும். அரசு உதவி கிடைக்கும். பொது நலப்பணிகளில் ஈடுபாடு கூடும். வியாபாரம் செழிக்கும்.
கணிதம், எழுத்து, பத்திரிகை, தரகு போன்ற இனங்கள் ஆக்கம் தரும். மக்களால் பெற்றோருக்கும் பெற்றோரால் மக்களுக்கும் நலம் உண்டாகும். கணவன் மனைவி இடையே களிப்புறவு கூடும். மகப்பேறு பாக்கியம் உண்டாகும். மருத்துவம், இரசாயனம், விஞ்ஞானம், ஆன்மிகம் போன்ற துறைகளைச் சேர்ந்தவர்கள் முன்னணிக்கு உயருவார்கள்.
அதிர்ஷ்ட வாய்ப்புக்கள் அதிகரிக்கும். நண்பர்கள், உறவினர்களது சந்திப்பு நிகழும். அதனால் அனுகூலமும் ஏற்படும். செவ்வாய், ராகு, கேது ஆகியோரது சஞ்சாரம் சிறப்பாக இல்லாததால் எதிலும் யோசித்து, நிதானமாக ஈடுபடுவது நல்லது. வீண்வம்பு கூடாது.
அதிர்ஷ்டமான தேதிகள்: டிசம்பர் 10, 13.
திசைகள்: வடகிழக்கு, மேற்கு, வடக்கு, தென்கிழக்கு.
நிறங்கள்: பச்சை, நீலம், பொன் நிறம்.
எண்கள்: 1, 3, 5, 6, 8 .
பரிகாரம்: செவ்வாய், ராகு, கேது ஆகியோருக்கு அர்ச்சனை, ஆராதனைகளைச் செய்து வருவது நல்லது.
மீன ராசி வாசகர்களே!
புதன், சுக்கிரன் ஆகியோரது சஞ்சாரம் சிறப்பாக இருப்பதால் எடுத்த காரியத்தில் எப்பாடுபட்டாவது வெற்றி பெறுவீர்கள். எதிர்ப்புக்களைச் சமாளிக்கும் சக்தி பிறக்கும். வியாபாரத்தில் வளர்ச்சி காண வாய்ப்புக் கூடிவரும். நண்பர்களும் உறவினர்களும் உதவி புரிவார்கள். மக்களால் அளவோடு அனுகூலம் ஏற்படும். கற்பனை ஆற்றல் வெளிப்படும். கணிதம், எழுத்து, பத்திரிகை, விஞஞானம், தரகு, கமிஷன் ஏஜன்ஸி போன்ற இனங்களால் ஆதாயம் கிடைக்கும்.
கலைஞர்களுக்கு நல்ல வாய்ப்புகள் கூடிவரும். மாதர்களது நிலை உயரும். மாணவர்களுக்கு முன்னேற்றமான சூழ்நிலை உருவாகும். குரு பலம் குறைந்திருப்பதால் உடல் நலனில் கவனம் தேவை. பணம் கொடுக்கல் வாங்கலில் விழிப்புடன் ஈடுபடுவது நல்லது. சுப காரியங்கள் நிகழக் குறுக்கீடுகளும் தடைகளும் ஏற்படும். கெட்டவர்களின் சகவாசம் கூடாது. கோபத்தைக் குறைத்துக் கொள்வது நல்லது. முன்பின் அறிமுகம் இல்லாதவர்களை நம்பி எதிலும் ஈடுபட வேண்டாம். பயணத்தின்போது பாதுகாப்பு தேவை.
அதிர்ஷ்ட தேதிகள்: டிசம்பர் 10, 13, 15. .
திசைகள்: வடமேற்கு, வடக்கு, தென்கிழக்கு.
நிறங்கள்: வெண்மை, சிவப்பு, பச்சை, வான் நீலம்.
எண்கள்: 2, 5, 6.
பரிகாரம்: குரு ஸ்தானத்தில் உள்ளவர்களை வணங்கி அவர்களது வாழ்த்துக்களைப் பெறுவது நல்லது. வேதம் பயில்பவர்களுக்கு உதவி செய்யவும்.