இந்த வார ராசிபலன் | Weekly astrology forecast

0
227
astrology forecast | ராசிபலன்
Click Image Below And Get Our App For Free

வார ராசிபலன் 03-12-2015 முதல் 09-12-2015 வரை

மேஷ ராசி வாசகர்களே!

ராசிநாதன் செவ்வாய் 6-ல் இருப்பது விசேஷமாகும். குரு பலமும் இருப்பதால் மனதுக்கு இனிய சம்பவங்கள் வாழ்க்கையில் இடம்பெறும். பெரியவர்கள், தனவந்தர்கள் ஆகியோரது ஆசிகளும் ஆதரவும் கிடைக்கும். மகப்பேறு பாக்கியம் சிலருக்கு வார முன் பகுதியில் கிடைக்கும். திடீர் அதிர்ஷ்ட வாய்ப்புகள் கூடிவரும். தெய்வப் பிரார்த்தனைகள் நிறைவேறும். துணிச்சலான காரியங்களில் ஈடுபட்டு வெற்றி பெறுவீர்கள். பயணத்தால் நலமுண்டாகும்.

கணவன்-மனைவி உறவு நிலை திருப்திகரமாக இருந்துவரும். கேளிக்கை, உல்லாசங்களில் ஈடுபாடு உண்டாகும். பெண்களுக்கு அனுகூலமான சூழ்நிலை நிலவிவரும். புதிய நிலபுலன்கள் சேரும். ஆடை, அணிமணிகளின் சேர்க்கையும் நிகழும். 8-ல் சூரியன், சனி இருப்பது சிறப்பாகாது. கடுமையாக உழைக்க வேண்டிவரும். அரசாங்கம் மூலம் சில பிரச்சினைகள் உண்டாகும். தந்தை நலனில் கவனம் தேவைப்படும்.

அதிர்ஷ்டமான தேதிகள்: டிசம்பர் 6, 7

Click Image Below And Get Our App For Free

திசைகள்: வடகிழக்கு, தெற்கு, தென்கிழக்கு, தென்மேற்கு

‎நிறங்கள்: பொன்நிறம், சிவப்பு, புகை நிறம், வெண்மை.

எண்கள்: 2, 3, 4, 9. ‎

பரிகாரம்: சனிப் பீரிதி செய்துகொள்வது நல்லது.

ரிஷப ராசி வாசகர்களே!

உங்கள் ராசிக்கு 11-ல் கேது சஞ்சரிப்பது சிறப்பாகும். ஆன்மிகப் பணிகளில் ஈடுபாடு உண்டாகும். அன்றாடப் பணிகளில் முன்னேற்றம் காணலாம். நண்பர்கள், உறவினர்கள் மூலம் அனுகூலம் உண்டாகும். 5-ல் செவ்வாயும் ராகுவும் இருப்பதால் மக்கள் நலனில் அக்கறை தேவை. அவர்களது நடத்தையில் கவனம் செலுத்திவருவது நல்லது. சுக்கிரன் 6-ம் இடத்திலும், சூரியன் சனி ஆகியோர் 7-ம் இடத்திலும் இருப்பதால் கணவன்-மனைவி உறவு நிலை பாதிக்கும்.

பக்குவமாகச் சமாளித்துவருவது நல்லது. கேளிக்கை உல்லாசங்களைத் தவிர்ப்பது அவசியமாகும். தீயவர்களின் தொடர்புக்கு இடம் தரலாகாது. வயிறு சம்பந்தமான உபாதைகள் ஏற்படும். உடல் ஆரோக்கியத்தில் கவனம் செலுத்தி வருவது நல்லது. மருத்துவச் செலவுகள் சற்று அதிகரிக்கும். வியாபாரிகளுக்கு லாபம் கூடும் நேரமிது. மாணவர்களது நிலை உயரும்.

அதிர்ஷ்டமான தேதிகள்: டிசம்பர் 6, 7

திசைகள்: வடக்கு, வடமேற்கு

‎நிறங்கள்: மெரூன், பச்சை

எண்கள்: 5, 7

பரிகாரம்: சுமங்கலிப் பிரார்த்தனை செய்வது நல்லது. துர்க்கையையும் மகாலட்சுமியையும் வழிபடவும்.

மிதுன ராசி வாசகர்களே!

உங்கள் ராசிக்கு 5-ல் சுக்கிரன் பலமுடன் சஞ்சரிக்கிறார். இதனால் மன உற்சாகம் அதிகரிக்கும். புதிய ஆடை, அணிமணிகள், அலங்காரப் பொருட்கள் ஆகியவ்றறின் சேர்க்கை நிகழும். பெண்களால் அனுகூலம் உண்டாகும். கணவன் மனைவி உறவு நிலை சிறப்பாக இருந்துவரும். நல்ல ஒரு தகவல் வந்துசேரும். உடன்பிறந்தவர்கள் உதவிபுரிவார்கள்.

4-ல் செவ்வாயும் ராகுவும் இருப்பதால் எக்காரியத்திலும் பதற்றப்படாமல் நிதானமாக ஈடுபடுவது அவசியமாகும். சிறு விபத்துகள் உண்டாக நேரலாம். சூரியன், சனி ஆகியோர் 6-ம் இடத்தில் இருப்பதால் அரசு உதவி கிடைக்கும். புதிய பதவி, பட்டங்கள் சிலருக்கு வந்துசேரும். திடீர் அதிர்ஷ்ட வாய்ப்புகள் கூடிவரும். தொழிலாளர்களது கோரிக்கைகள் சில இப்போது நிறைவேறும். தந்தையால் அனுகூலம் உண்டாகும்.

அதிர்ஷ்டமான தேதிகள்: டிசம்பர் 6, 7

திசைகள்: தென்கிழக்கு, கிழக்கு, மேற்கு, வடமேற்கு

‎நிறங்கள்: இளநீலம், வெண்மை

எண்கள்: 1, 6, 7, 8

பரிகாரம்: செவ்வாய்க்கும் ராகுவுக்கும் பிரீதி, பரிகாரங்களைச் செய்வது நல்லது.

கடக ராசி வாசகர்களே!

உங்கள் ராசிக்கு 2-ல் குருவும் 3-ல் செவ்வாய், ராகு ஆகியோரும் 4-ல் சுக்கிரனும் 6-ல் புதனும் சஞ்சரிப்பது விசேஷமாகும். வார ஆரம்பத்தில் பொருள் வரவு அதிகரிக்கும். முக்கியமான எண்ணங்கள் ஈடேறும். திருமணம் போன்ற சுப காரியங்கள் நிகழும். விருந்து உபசாரங்களில் கலந்துகொண்டு மனம் மகிழ்வீர்கள். துணிச்சலான காரியங்களில் ஈடுபாடு உண்டாகும்.

அதில் வெற்றியும் கிடைக்கும். பயணத்தின் மூலம் ஓர் எண்ணம் நிறைவேறும். புதிய ஆடை, அணிமணிகள் சேரும். நிலம், மனை, வீடு, வாகனம் போன்ற சொத்துக்களின் சேர்க்கையும் நிகழும். அவற்றால் ஆதாயமும் கிடைக்கும். 5-ல் சூரியனும் சனியும் இருப்பதால் மக்கள் நலனில் அக்கறை தேவைப்படும். வியாபாரிகளுக்கு லாபம் கூடும் வாரமிது. பெண்களுக்கு மன உற்சாகம் பெருகும்.

அதிர்ஷ்டமான தேதிகள்: டிசம்பர் 6, 7

திசைகள்: வடகிழக்கு, தெற்கு, தென்கிழக்கு

‎நிறங்கள்: பொன்னிறம், சிவப்பு, வெண்மை

எண்கள்: 3, 4, 6, 9

பரிகாரம்: சனிப் பிரீதி செய்துகொள்ளவும்.

சிம்ம ராசி வாசகர்களே!

உங்கள் ராசிக்கு 3-ம் இடத்தில் சுக்கிரன் உலவுவது சிறப்பானதாகும். இதர கிரகங்களும் சஞ்சாரம் விசேஷமாக இல்லை. சில இடர்ப்பாடுகள் ஏற்படவே செய்யும். பக்குவமாகச் சமாளிப்பது நல்லது. பேச்சில் நிதானம் தேவை. கோபத்தைக் குறைத்துக்கொள்வது அவசியம். பயணத்தின்போதும் இயந்திரங்களில் பணிபுரியும்போது கவனத்துடன் இருந்தால் விபத்தைத் தவிர்க்கலாம்.

குடும்ப நலம் கவனிக்கப்பட வேண்டிவரும். வீண் சண்டை, சச்சரவுகளைத் தவிர்ப்பது நல்லது. முன்பின் அறிமுகம் இல்லாதவர்களிடம் விழிப்பு தேவை. சினிமா, நாடகம், நாட்டியம் போன்ற கலைத் துறைகளைச் சார்ந்தவர்களுக்கு வெற்றிமேல் வெற்றி கிடைக்கும். புதிய ஒப்பந்தங்களும் கையெழுத்தாகும். வார நடுப்பகுதியில் நல்லதொரு தகவல் வந்துசேரும். வாரக் கடைசியில் அலைச்சல் சற்று அதிகமாகும். நண்பர்கள், உறவினர்களால் சிறு சங்கடம் ஏற்படும்.

அதிர்ஷ்டமான தேதிகள்: டிசம்பர் 6, 7

திசை: தென்கிழக்கு

‎நிறங்கள்: இளநீலம், வெண்மை | எண்கள்: 6

பரிகாரம்: செவ்வாய், ராகு ஆகியோருக்கு அர்ச்சனை செய்வது நல்லது.

கன்னி ராசி வாசகர்களே!

உங்கள் ராசிக்கு அதிபதி புதன் 4-ல் அமர்ந்து குருவின் பார்வையைப் பெறுவது விசேஷமாகும். சூரியன், சுக்கிரன், சனி ஆகியோரும் அனுகூலமாக உலவுகிறார்கள். இதனால் புத்திசாலித்தனம் பளிச்சிடும். மதிப்பும் அந்தஸ்தும் உயரும். சுபகாரிய செலவுகளைச் செய்வீர்கள். அலைச்சலும் உழைப்பும் கூடும் என்றாலும் அதற்கான பயனும் கிடைத்துவரும். குடும்பத்தில் சுப காரியங்கள் நிகழும். விருந்து, விழாக்களுக்குச் சென்று வருவீர்கள். பேச்சில் இனிமை தவழும்.

முக வசீகரம் அதிகரிக்கும். வியாபாரத்தில் வளர்ச்சி காணலாம். புதிய துறைகளில் ஈடுபாடு உண்டாகும். அரசு உதவி கிடைக்கும். பொது நலப் பணியாளர்களுக்கு வரவேற்பு கூடும். கலைஞர்கள் வெற்றிப் படிகளில் ஏறுவார்கள். பெண்களால் அனுகூலம் உண்டாகும். நிர்வாகத் துறையினருக்கு முன்னேற்றமான சூழ்நிலை உருவாகும். பயணத்தால் சிறு சங்கடம் ஏற்படும். கவனம் தேவை.

அதிர்ஷ்டமான தேதிகள்: டிசம்பர் 6, 7

திசை: தென்கிழக்கு, வடக்கு, மேற்கு

‎நிறங்கள்: நீலம், பச்சை, கருப்பு

எண்கள்: 5, 6, 8

பரிகாரம்: துர்க்கையையும் முருகனையும் வழிபடவும்.

துலாம் ராசி வாசகர்களே!

உங்கள் ராசிக்கு அதிபதி சுக்கிரன் ராசியிலேயே பலமுடன் சஞ்சரிக்கிறார். குரு, கேது ஆகியோரது சஞ்சாரமும் அனுகூலமாக இருப்பதால் மனத்துக்கு இனிய சம்பவங்கள் வாழ்க்கையில் இடம்பெறும். ஒன்றுக்கு மேற்பட்ட இனங்களால் வருவாய் வந்து சேரும். கலைத் துறையினருக்கு வெற்றி வாய்ப்புகள் அதிகரிக்கும். கணவன் மனைவி உறவுநிலை திருப்திகரமாக இருந்துவரும்.

கூட்டுத் தொழில் லாபம் தரும். பெண்களால் அனுகூலம் உண்டாகும். மகப்பேறு பாக்கியம் சிலருக்கு இப்போது கிடைக்கும். மக்களால் அனுகூலமும் உண்டாகும். உடன்பிறந்தவர்களால் சில இடர்ப்பாடுகள் ஏற்படும். பயணத்தின்போது எச்சரிக்கை தேவை. வியாபாரத்தில் மிகுந்த கவனம் செலுத்துவது நல்லது. வீண் செலவுகளைத் தவிர்க்கவும். தெய்வப் பணிகளிலும் தர்மப் பணிகளிலும் ஈடுபாடு உண்டாகும். பெரியவர்கள் உங்களுக்கு ஆசி புரிவார்கள்.

அதிர்ஷ்டமான தேதிகள்: டிசம்பர் 6, 7

திசைகள்: தென்கிழக்கு, வடகிழக்கு, வடமேற்கு

‎நிறங்கள்: பொன்னிறம், இளநீலம், மெரூன்

எண்கள்: 3, 6, 7

பரிகாரம்: முருகனையும் துர்க்கையையும் வழிபட்டு வருவது நல்லது.

விருச்சிக ராசி வாசகர்களே!

உங்கள் ராசிக்கு அதிபதி செவ்வாய் 11-ம் இடத்தில் உலவுவது விசேஷமாகும். புதன் 2-ல் அமர்ந்து குரு பார்வையைப் பெறுகிறார். சுக்கிர பலம் கூடியிருக்கிறது. இதனால் எடுத்த காரியங்களில் திறம்பட ஈடுபட்டு வெற்றி பெறுவீர்கள். எதிர்ப்புகளின் கரம் வலுக் குறையும். வழக்கில் சாதகமான போக்கு தென்படும். சிலருக்கு வெற்றியும் கிடைக்கும்.

பொருளாதார நிலை அதிகரிக்கும். பல வழிகளில் ஆதாயம் கிடைக்கும். வாழ்க்கை வசதிகளை பெருக்கிக் கொள்ள செலவு செய்வீர்கள். உடன் பிறந்தவர்களால் அனுகூலம் உண்டாகும். தாய் வழி உறவினர்களால் நலம் உண்டாகும். கலைஞர்களுக்கு நல்ல வாய்ப்புகள் கூடிவரும். பயணம் சார்ந்த இனங்களால் வருவாய் அதிகரிக்கும். இயந்திரப் பணியாளர்களுக்கும் இன்ஜினியர்களுக்கும் சுபிட்சம் கூடும். வாரப் பின்பகுதியில் அலைச்சலும் உழைப்பும் அதிகமாகும்.

அதிர்ஷ்டமான தேதிகள்: டிசம்பர் 6, 7

திசைகள்: தெற்கு, தென்மேற்கு, வடக்கு

‎நிறங்கள்: சிவப்பு, பச்சை, புகை நிறம்

எண்கள்: 4, 5, 9

பரிகாரம்: ஜென்ம சனிக்கு பிரிதீ பரிகாரங்களைச் செய்துகொள்வது நல்லது. விநாயகரை வழிபடவும்.

தனுசு ராசி வாசகர்களே!

உங்கள் ராசிநாதன் குரு 9-ல் அமர்ந்து, உங்கள் ராசியைப் பார்ப்பது விசேஷமாகும். செவ்வாய், ராகு, சுக்கிரன் ஆகியோரது சஞ்சாரமும் சிறப்பாக இருப்பதால் புனிதமான காரியங்களில் ஈடுபாடு உண்டாகும். பயணத்தால் ஒரு காரியம் நிறைவேறும். சாதுக்கள், மகான்கள், சித்தர்கள் ஆகியோரது தரிசனம் கிடைக்கும். தெய்வப் பிரார்த்தனைகளை நிறைவேற்றிக்கொள்ள சந்தர்ப்பம் கூடிவரும்.

எதிரிகள் ஓடி ஒளிவார்கள். வழக்கில் வெற்றி கிடைக்கும். பெண்களால் அனுகூலம் உண்டாகும். திருமணம் போன்ற சுப காரியங்கள் நிகழும். கலைஞர்களுக்கு சுபிட்சம் கூடும். பெற்றோரால் மக்களுக்கு அனுகூலம் ஏற்படும். 4-ல் கேதுவும் 12-ல் சூரியன், சனி ஆகியோரும் உலவுவதால் தாய் நலனில் கவனம் செலுத்தி வருவது நல்லது. வீண் செலவுகளைத் தவிர்ப்பது நல்லது.

அதிர்ஷ்டமான தேதிகள்: டிசம்பர் 6, 7

திசைகள்: வடகிழக்கு, தெற்கு, தென்மேற்கு, தென்கிழக்கு

‎நிறங்கள்: பொன்னிறம், சிவப்பு, வெண்மை

எண்கள்: 3, 4, 6, 9

பரிகாரம்: விரய சனிக்குப் பரிகாரம் செய்துகொள்வது நல்லது. பார்வையற்றவர்களுக்கும் கால் ஊனமுற்றவர்களுக்கு உதவி செய்யவும்.

மகர ராசி வாசகர்களே!

உங்கள் ராசிக்கு அதிபதி சனி 11-ல் அமர்ந்து உங்கள் ராசியைப் பார்ப்பதால் அந்தஸ்தும் மதிப்பும் புகழும் உயரும். உழைப்புக்கும் திறமைக்கும் உரிய பயனைப் பெற்று வருவீர்கள். தொலைதூரத் தொடர்பு நலம் தரும். செய்துவரும் தொழிலில் சீரான வளர்ச்சியைக் காணலாம். கலைஞர்களுக்கு வெற்றி வாய்ப்புகள் அதிகரிக்கும். தொழிலாளர்களுக்கும் விவசாயிகளுக்கும் வருவாய் கூடும்.

பூமியிலிருந்து வெட்டியெடுக்கப்படும் பொருட்களால் ஆதாயம் அதிகம் கிடைக்கும். அரசாங்கம் மூலம் அனுகூலம் பெற வாய்ப்பு கூடிவரும். நிர்வாகத் திறமை வெளிப்படும். உத்தியோகஸ்தர்கள், ஆசிரியர்கள், வியாபாரிகள் ஆகியோர் தங்கள் கடமைகளைச் சரிவர ஆற்றி வந்தால் சரிவு நிலைக்கு ஆளாகாமல் தப்பலாம். மாணவர்கள் படிப்பில் முழு கவனம் செலுத்துவது அவசியமாகும்.

அதிர்ஷ்டமான தேதிகள்: டிசம்பர் 6, 7

திசைகள்: மேற்கு, தென்கிழக்கு, கிழக்கு

‎நிறங்கள்: நீலம், ஆரஞ்சு

எண்கள்: 1, 6, 7, 8

பரிகாரம்: புதன், குரு ஆகியோருக்குப் பிரீதி, பரிகாரங்களைச் செய்துகொள்வது நல்லது.

கும்ப ராசி வாசகர்களே!

உங்கள் ராசிநாதன் சனி 10-ல் வலுத்திருக்கிறார். உங்கள் ஜென்ம ராசியை குரு பார்ப்பதும் விசேஷமாகும். தேக ஆரோக்கியம் சீராக இருந்துவரும். புகழும் மதிப்பும் உயரும். நல்லவர்கள் உங்களுக்கு ஆதரவாக இருப்பார்கள். திருமணம் போன்ற சுபகாரியங்கள் நிகழும். தொலைதூரப் பயணம் பயன் தரும். வியாபாரத்தில் லாபம் அதிகரிக்கும். அரசாங்கத்தால் அனுகூலம் உண்டாகும்.

கலைஞர்களுக்கு வெற்றி வாய்ப்புகள் கூடும். மாதர்களது நோக்கம் நிறைவேறும். 8-ல் செவ்வாயும் ராகுவும் உலவுவதால் சிறு விபத்துக்கு ஆளாக நேரலாம். எச்சரிக்கை தேவை. உடன்பிறந்தவர்களது நலனில் கவனம் செலுத்த வேண்டிவரும். வாரப் பின்பகுதியில் முக்கியமான எண்ணங்கள் நிறைவேறும். புதிய பொருட்கள் சேர்க்கை நிகழும். புதிய பதவிகளும் பட்டங்களும் தேடி வரும். நிலபுலன்களின் விஷயத்தில் எச்சரிக்கையுடன் செயல்படவும்.

அதிர்ஷ்டமான தேதிகள்: டிசம்பர் 8, 9

திசைகள்: வடகிழக்கு, தென்கிழக்கு, மேற்கு, வடக்கு

‎நிறங்கள்: பொன்னிறம், நீலம், பச்சை, ஆரஞ்சு

எண்கள்: 1, 3, 5, 6

பரிகாரம்: சர்ப்பசாந்தி செய்து கொள்ளவும், முருகனை வழிபடவும்.

மீன ராசி வாசகர்களே!

உங்கள் ராசிக்கு 8-ல் சுக்கிரனும் 10-ல் புதனும் சஞ்சரிப்பது சிறப்பாகும். கலைத்துறையினருக்கு வெற்றி வாய்ப்புகள் அதிகரிக்கும். எதிர்பாராத பொருள் வரவுக்கு இடமுண்டு. நண்பர்கள், உறவினர்கள் ஆகியோர் உங்கள் தொழிலுக்கு உதவி புரிவார்கள். கணவன் மனைவி உறவுநிலை சீராகும். கணிதம், எழுத்து, தரகு, பத்திரிகை, கமிஷன் ஏஜென்ஸி போன்ற இனங்களால் வருவாய் அதிகமாகும்.

மாணவர்கள் தங்கள் திறமைக்கு உரிய வளர்ச்சியைக் காண்பார்கள். குருபலம் குறைந்துவிட்டதால் உடல் ஆரோக்கியத்தில் கவனம் செலுத்திவருவது நல்லது. பொருள் கொடுக்கல் வாங்கலில் விழிப்பு தேவை. பிறரிடம் சுமுகமாகப் பேசிப் பழகுவது நல்லது. சுபகாரியங்கள் நிகழ ஜாதக பலம் அவசியம் தேவை. தந்தை நலனில் கவனம் செலுத்திவருவது நல்லது. எக்காரியத்திலும் அவசரம் கூடாது.

அதிர்ஷ்டமான தேதிகள்: டிசம்பர் 6, 7

திசைகள்: தென்கிழக்கு, வடக்கு

‎நிறங்கள்: பச்சை, இளநீலம்

எண்கள்: 5, 6

பரிகாரம்: குருப் பிரீதி செய்துகொள்ளவும்.

Click Image Below And Get Our App For Free

Leave a Reply