மேஷ ராசி வாசகர்களே
உங்கள் ராசியில் சுக்கிரனும் 2-ல் புதனும் 3-ல் செவ்வாயும் 11-ல் கேதுவும் உலவுவது சிறப்பாகும். தோற்றப் பொலிவு கூடும். புதிய பொருட்களின் சேர்க்கை நிகழும். கணவன் மனைவி உறவு நிலை திருப்தி தரும். கூட்டுத் தொழிலில் அபிவிருத்தி காணலாம். கேளிக்கை, உல்லாசங்களில் ஈடுபாடு அதிகரிக்கும். பேச்சில் திறமை கூடும். வியாபாரத்தில் வளர்ச்சி காண வழி பிறக்கும். எதிரிகள் அடங்குவார்கள். போட்டிகளில் வெற்றி கிடைக்கும். இயந்திரப் பணிகள் லாபம் தரும். பொறியாளர்கள் தங்கள் நிலை உயரப் பெறுவார்கள். விளையாட்டுகளிலும் வழக்குகளிலும் நல்ல திருப்பம் உண்டாகும். ஆன்மிக, அறநிலையப் பணியாளர்கள் வளர்ச்சி காண்பார்கள். 5-ல் ராகுவும் 6-ல் குருவும் இருப்பதால் மக்கள் நலம் கவனிக்கப்பட வேண்டிவரும்.
அதிர்ஷ்டமான தேதிகள்: ஜூன் 1, 4, 5, 6.
திசைகள்: வடமேற்கு, தென்கிழக்கு, தெற்கு, வடக்கு.
நிறங்கள்: சிவப்பு, வெண்மை, இளநீலம், பச்சை.
எண்கள்: 5, 6, 7, 0. | பரிகாரம்: குருப் பிரீதி செய்து கொள்ளவும். தட்சிணாமூர்த்தியை வழிபடவும்.
ரிஷப ராசி வாசகர்களே
உங்கள் ராசிக்கு 5-ல் குருவும் 10-ல் கேதுவும் 12-ல் சுக்கிரனும் உலவுவது நல்லது. நல்லவர்கள் நலம் புரிவார்கள். அலைச்சல் வீண்போகாது. மகப்பேறு அல்லது மக்களால் பாக்கியம் உண்டாகும். பண நடமாட்டம் அதிகமாகும். ஊக வணிகம், கொடுக்கல் வாங்கல் லாபம் தரும். உத்தியோகஸ்தர்களது நோக்கம் நிறைவேறும். ஆசிரியர்கள், மத போதகர்கள், ஆன்மிகச் சொற்பொழிவாளர்கள் ஆகியோர் போற்றப்படுவார்கள். மந்திர, தந்திர, யந்திர சாஸ்திரங்களில் ஈடுபாடு உள்ளவர்களுக்கு அனுகூலமான சூழ்நிலை நிலவிவரும். வேத விற்பன்னர்களுக்கு செழிப்புக் கூடும். தெய்வப் பிரார்த்தனைகளை நிறைவேற்றிக்கொள்ள வாய்ப்புகள் கூடிவரும். மந்திர சித்தி சிலருக்குக் கிட்டும். கலைஞர்களுக்கும் மாதர்களுக்கும் முன்னேற்றமான சூழ்நிலை நிலவிவரும். சுப செலவுகள் செய்ய வேண்டிவரும்.
அதிர்ஷ்டமான தேதிகள்: ஜூன் 1, 4, 5, 6.
திசைகள்: வடகிழக்கு, தென்கிழக்கு, வடமேற்கு.
நிறங்கள்: மெரூன், வெண்மை, பொன் நிறம்.
எண்கள்: 3, 6, 7. l பரிகாரம்: துர்க்கையை வழிபடவும்.
மிதுன ராசி வாசகர்களே
உங்கள் ராசிக்கு 3-ல் ராகுவும் 6-ல் சனியும், 11-ல் சுக்கிரனும் சஞ்சரிப்பதால் பயணத்தின் மூலம் அனுகூலம் உண்டாகும். புதியவர்களின் தொடர்பும் அதனால் நலமும் ஏற்படும். வெளிநாட்டுத் தொடர்பு பயன்படும். ஆராய்ச்சியாளர்களுக்கு வரவேற்பு கூடும். போக்குவரத்து, பயணம் சம்பந்தமான தொழில் லாபம் தரும். தோல் பொருட்களால் ஆதாயம் கிடைக்கும். கலைத் துறையினருக்கு சுபிட்சம் கூடும். பெண்களுக்கு உற்சாகமான சூழ்நிலை உருவாகும். மகப்பேறு பாக்கியம் கிட்டும். பெண் குழந்தைகளாலும் மனைவியாலும் நலம் ஏற்படும். புதிய ஆடை, அணிமணிகள், அலங்காரப் பொருட்கள், வாசனைத் திரவியங்கள் சேரும். அவற்றால் ஆதாயமும் கிடைக்கும். ஜன்ம ராசியில் செவ்வாயும், 9-ல் கேதுவும் 12-ல் சூரியனும் புதனும் உலவுவதால் தந்தை நலம் கவனிக்கப்பட வேண்டிவரும். உடலில் காயம்பட நேரலாம்; எச்சரிக்கை தேவை.
அதிர்ஷ்டமான தேதிகள்: ஜூன் 1, 4, 5, 6.
திசைகள்: தென்கிழக்கு, தென்மேற்கு.
நிறங்கள்: வெண்மை, இளநீலம், கறுப்பு. l எண்கள்: 4, 8.
பரிகாரம்: சுப்பிரமணியரையும் திருமாலையும் வழிபடுவது நல்லது.
கடக ராசி வாசகர்களே
உங்கள் ராசிக்கு 11-ல் சூரியன் புதன் ஆகியோர் உலவுவது சிறப்பாகும். இதர கிரகங்கள் கோசாரப்படி சிறப்பாக இல்லை. இதனால் எதிலும் விசேடமான வளர்ச்சியைக் காண முடியாமல் போகும். குடும்ப நலம் கவனிக்கப்பட வேண்டிவரும். பொருளாதார நிலை சாதாரணமாகவே காணப்படும். பிறரால் ஏமாற்றப்பட நேரலாம். பெரியவர்கள், தனவந்தர்களின் அதிருப்திக்கு ஆளாகாமல் இருப்பது நல்லது. வீண் விவகாரங்களில் ஈடுபடலாகாது. புதிய துறைகளில் அதிகம் முதலீடு செய்ய வேண்டாம். அக்கம்பக்கத்தில் உள்ளவர்களால் தொல்லைகள் சூழும். பேச்சில் சூடான வார்த்தைகளை உதிர்க்காமல் இருப்பது நல்லது. பயணத்தின்போதும் விளையாட்டின்போதும் இயந்திரங்களில் பணிபுரியும்போதும் பாதுகாப்பு தேவை. உடன்பிறந்தவர்களால் செலவுகள் ஏற்படும். மக்களால் மன வருத்தம் உண்டாகும். தொழில் ரீதியாக இடமாற்றம் உண்டாகும்.
அதிர்ஷ்ட தேதிகள்: ஜூன் 1, 4, 5, 6.
திசைகள்: கிழக்கு, வடக்கு.
நிறங்கள்: சிவப்பு, ஆரஞ்சு.
எண்கள்: 1, 5. l பரிகாரம்: குருவையும், தட்சிணாமூர்த்தியையும் துர்க்கையையும் வழிபடுவது நல்லது.
சிம்ம ராசி வாசகர்களே
உங்கள் ராசிக்கு 2-ல் குருவும் 9-ல் சுக்கிரனும் 10-ல் சூரியனும் புதனும் 11-ல் செவ்வாயும் உலவுவது சிறப்பாகும். பேச்சில் திறமை கூடும். குடும்பத்தில் சுப காரியங்கள் நிகழும். விருந்து, உபசாரங்களில் ஈடுபாடு உண்டாகும். முகப்பொலிவு கூடும். தெய்வப் பணிகள் நிறைவேறும். தருமப் பணிகளில் ஈடுபாடு அதிகரிக்கும். பொருளாதார நிலை திருப்தி தரும். திடீர் அதிர்ஷ்ட வாய்ப்புக்கள் கூடிவரும். உடன்பிறந்தவர்களாலும், மக்களாலும், வாழ்க்கைத் துணைவராலும் நலம் பல உண்டாகும். புதிய முயற்சிகள் கைகூடும். கொடுக்கல் வாங்கல் லாபம் தரும். எலக்ட்ரானிக், கம்ப்யூட்டர் தொழிலில் அதிக வருவாய் கிடைக்கும். நிலபுலங்கள் சேரும். எதிரிகள் ஓடி ஒளிவார்கள். வழக்கில் நல்ல திருப்பம் உண்டாகும். கடன் தொந்தரவு குறையும். பிரச்சினைகள் எளிதில் தீரும். செய்தொழில் விருத்தி அடையும்.
அதிர்ஷ்டமான தேதிகள்: ஜூன் 1, 4, 5, 6.
திசைகள்: தெற்கு, வடகிழக்கு, கிழக்கு, வடக்கு, தென்கிழக்கு.
நிறங்கள்: சிவப்பு, பொன் நிறம், ஆரஞ்சு.
எண்கள்: 1, 3, 5, 6, 9. l பரிகாரம்: துர்க்கைக்கு ஏற்றி வழிபடவும்.
கன்னி ராசி வாசகர்களே
உங்கள் ராசிக்கு 3-ல் சனியும் 6-ல் கேதுவும் 8-ல் சுக்கிரனும் 10-ல் செவ்வாயும் உலவுவது நல்லது. அலைச்சல் சற்று அதிகரிக்கும். வீண் செலவுகள் ஏற்படும். சிக்கனத்தைக் கடைப்பிடிப்பது அவசியமாகும். இடமாற்றமும் நிலைமாற்றமும் உண்டாகும். நல்லவர்களின் தொடர்பால் நலம் பெற வாய்ப்புகள் கூடிவரும். குடும்ப நலம் சீராகவே இருக்கும். எதிரிகள் அடங்குவார்கள்.
போட்டி, பந்தயங்களில் வெற்றி கிட்டும். பொதுநலப் பணிகளில் ஈடுபாடு உள்ளவர்கள் நற்பெயர் பெறுவார்கள். ஆன்மிக வாதிகளுக்கு மதிப்பு உயரும். கலைத் துறையினருக்குப் பிரச்சினைகள் தீரும். மாதர்களுக்கு அனுகூலமான போக்கு தென்படும். இயந்திரப் பணிகள் லாபம் தரும். பொறியாளர்கள் வளர்ச்சி காண்பார்கள். தருமப் பணிகளில் ஈடுபாடு உண்டாகும். எதிர்பாராத பொருட்சேர்க்கை நிகழும்.
அதிர்ஷ்டமான தேதிகள்: ஜூன் 4, 5, 6.
திசைகள்: மேற்கு, தென்கிழக்கு, வடமேற்கு, தெற்கு.
நிறங்கள்: நீலம், கருஞ்சிவப்பு.
எண்கள்: 6, 7, 8, 9. l பரிகாரம்: ஆதிபராசக்தியை வழிபடவும்.
துலாம் ராசி வாசகர்களே
உங்கள் ராசிக்கு 8-ல் புதனும் 11-ல் ராகுவும் உலவுவது நல்லது. வியாபார முன்னேற்றத்திட்டங்கள் கைகூடும். எழுத்தாளர்களுக்கும் பத்திரிகையாளர்களுக்கும் வரவேற்பு கூடும். பயணத்தால் அனுகூலம் உண்டாகும். அயல்நாட்டுத் தொடர்பால் ஆதாயம் கிடைக்கும். சுப காரியங்களுக்காகச் செலவு செய்ய வேண்டிவரும். 5-ல் கேதுவும் 12-ல் குருவும் உலவுவதால் மக்கள் நலம் கவனிக்கப்பட வேண்டிவரும். மறதியால் அவதி ஏற்படும். வயிறு, கால் சம்பந்தமான உபாதைகள் ஏற்படும். 2-ல் சனியும் 8-ல் சூரியனும் அமர்ந்து ஒருவரையொருவர் பார்த்துக் கொள்வதால் தந்தைக்கும் மகனுக்கும் இடையே கருத்து வேறுபாடுகள் ஏற்படும். தந்தையாலும், அரசாங்கத்தாராலும் சங்கடங்கள் சூழும். உஷ்ணாதிக்கம் அதிகரிக்கும். 7-ல் சுக்கிரன் செவ்வாயின் வீட்டில் உலவுவதால் கணவன் மனைவி இடையே ஒற்றுமை குறையும். கூட்டுத் தொழிலில் அதிக கவனம் தேவை.
அதிர்ஷ்டமான தேதிகள்: ஜூன் 1, 4, 5, 6.
திசைகள்: தென்மேற்கு, வடக்கு.
நிறங்கள்: சாம்பல்நிறம், பச்சை.
எண்கள்: 4, 5. l பரிகாரம்: பெரியவர்களை வணங்கி வாழ்த்துக்களைப் பெறுவது நல்லது.
விருச்சிக ராசி வாசகர்களே
உங்கள் ராசிக்கு 10-ல் ராகுவும் 11-ல் குருவும் உலவுவது சிறப்பாகும். ஜன்ம ராசியில் வக்கிரச் சனியும், 9-ல் செவ்வாயும் உலவுவதால் உடல் நலம் ஒருநாளைப் போல் மறுநாளிருக்காது. அதிகம் உழைக்க வேண்டிவரும். வீண்வம்பு, வழக்குகள் வந்து சேரும்; எச்சரிக்கையாக இருப்பது நல்லது. உடன்பிறந்தவர்களாலும், வாழ்க்கைத் துணைவராலும் தொல்லைகள் சூழும். வெளிநாட்டுத் தொடர்புடன் செய்தொழிலில் அபிவிருத்தி காணலாம். குரு பலம் இருப்பதால் பண வரவு சீராக இருந்துவரும். எதிர்பாராத அதிர்ஷ்ட வாய்ப்புக்களும் கூடிவரும். புத்திசாலித்தனம் வெளிப்படும். உத்தியோகஸ்தர்களது நிலை உயரும். மகப்பேறு அல்லது மக்களால் பாக்கியம் உண்டாகும் ஆசிரியர்கள் போற்றப்படுவார்கள். எலக்ட்ரானிக்ஸ், கம்ப்யூட்டர் போன்ற நவீன விஞ்ஞானத் துறைகளில் ஈடுபாடு உள்ளவர்கள் வளர்ச்சி காண்பார்கள்.
அதிர்ஷ்டமான தேதிகள்: ஜூன் 1, 4.
திசைகள்: தென்மேற்கு, வடகிழக்கு.
நிறங்கள்: வெண்சாம்பல்நிறம், பொன் நிறம்.
எண்கள்: 3, 4. l பரிகாரம்: சுப்பிரமணியரை வழிபடவும். சனிப் பிரீதி செய்து கொள்ளவும்.
தனுசு ராசி வாசகர்களே
உங்கள் ராசிக்கு 3-ல் கேதுவும், 5-ல் சுக்கிரனும் 6-ல் சூரியனும் புதனும் உலவுவது நல்லது. தெய்வப் பணிகளிலும் தர்மப் பணிகளிலும் நாட்டம் உண்டாகும். துணிச்சலான காரியங்களில் ஈடுபடுவீர்கள். கலைத்துறையினருக்கு சுபிட்சம் உண்டாகும். புதிய ஒப்பந்தங்கள் கைக்கு வந்து சேரும். பொருளாதார நிலை உயரும். திடீர் அதிர்ஷ்ட வாய்ப்புக்கள் கூடிவரும். மாதர்களது எண்ணம் நிறைவேறும். எலக்ட்ரானிக், கம்ப்யூட்டர் துறைகள் லாபம் தரும். நிறுவன, நிர்வாகத் துறையினருக்கு நல்ல வாய்ப்புக்கள் கூடிவரும். எதிரிகள் ஓடி ஒளிவார்கள். வழக்கில் நல்ல திருப்பம் ஏற்படும். வியாபாரத்தில் முன்னேற்றம் காண வாய்ப்பு கூடிவரும். மூத்த சகோதர, சகோதரிகளால் நலம் உண்டாகும். வாரப் பின்பகுதியில் முக்கியமான காரியங்கள் இனிதே நிறைவேறும். நல்லவர்களின் நட்பு நலம் சேர்க்கும். நல்லவர் அல்லாதவர்களை விட்டு விலகுவது அவசியமாகும்.
அதிர்ஷ்டமான தேதிகள்: ஜூன் 4, 5, 6.
திசைகள்: வடமேற்கு, தென்கிழக்கு, கிழக்கு, வடக்கு.
நிறங்கள்: மெரூன், இளநீலம், வெண்மை, சிவப்பு.
எண்கள்: 1, 5, 6, 7. l பரிகாரம்: துர்க்கை அம்மனை வழிபடவும்.
மகர ராசி வாசகர்களே
உங்கள் ராசிக்கு 4-ல் சுக்கிரனும் 6-ல் செவ்வாயும் 9-ல் குருவும் 11-ல் சனியும் உலவுவது நல்லது. வார ஆரம்பம் சாதாரணமாகவே காணப்படும். 3-ம் தேதி முதல் நல்ல திருப்பம் உண்டாகும். தெய்வப் பணிகள் ஈடேறும். தரும குணம் வெளிப்படும். தொலைதூரத்திலிருந்து நல்ல தகவல் வந்து சேரும். பெற்றோரால் மக்களுக்கும் மக்களால் பெற்றோருக்கும் அனுகூலம் உண்டாகும். மகப்பேறு பாக்கியம் கிட்டும். சுகமும் சந்தோஷமும் அதிகரிக்கும். புதிய ஆடை, அணிமணிகள் சேரும். கேளிக்கை, உல்லாசங்களில் ஈடுபாடு கூடும். விருந்து, உபசாரங்களில் ஈடுபட்டு மகிழ்ச்சி பெறுவீர்கள். நிலம், மனை, வீடு, வாகனம் முதலிய சொத்துக்கள் சேரும். சொத்துக்கள் மூலம் வருவாயும் கிடைக்கும். எதிரிகள் அடங்குவார்கள். வழக்கில் நல்ல திருப்பம் உண்டாகும். செய்து வரும் தொழில் விருத்தி அடையும்.
அதிர்ஷ்டமான தேதிகள்: ஜூன் 4, 5, 6.
திசைகள்: தென்கிழக்கு, மேற்கு, வடகிழக்கு, தெற்கு.
நிறங்கள்: நீலம், வெண்மை, பொன் நிறம், சிவப்பு.
எண்கள்: 3, 6, 8, 9. l பரிகாரம்: நாகரை வழிபடுவது நல்லது.
கும்ப ராசி வாசகர்களே
உங்கள் ராசிக்கு 3-ல் சுக்கிரனும் 4-ல் புதனும் 10-ல் சனியும் உலவுவது நல்லது. மதிப்பும் அந்தஸ்தும் உயரும். உழைப்புக்கும் திறமைக்கும் உரிய பயன் கிடைத்துவரும். மனத்தில் துணிவு கூடும். கலைத் துறை ஊக்கம் தரும். உடன்பிறந்த சகோதரிகள் உதவுவார்கள். தகவல் தொடர்பு இனங்கள் ஆக்கம் தரும். வியாபாரத்தில் வளர்ச்சி காணலாம். எழுத்தாளர்களுக்கும் பத்திரிகையாளர்களுக்கும் வரவேற்பு கூடும். மாதர்களது நோக்கம் நிறைவேறும். நண்பர்களும் உறவினர்களும் உங்களுக்கு ஆதரவாக இருப்பார்கள். சூரியன், செவ்வாய், குரு, ராகு, கேதுவின் சஞ்சாரம் சிறப்பாக இல்லாததால் அலைச்சல் கூடும். மக்கள் நலம் கவனிக்கப்பட வேண்டிவரும். பயணத்தால் சங்கடம் உண்டாகும். அரசு சம்பந்தமான காரியங்களில் விழிப்பு தேவை. குடும்ப நலனில் அக்கறை செலுத்துவது நல்லது. பொருளாதாரப் பிரச்சினை ஏற்படும்.
அதிர்ஷ்டமான தேதிகள்: ஜூன் 5, 6.
திசைகள்: தென்கிழக்கு, மேற்கு, வடக்கு.
நிறங்கள்: நீலம், வெண்மை, பச்சை.
எண்கள்: 5, 6, 8. l பரிகாரம்: குருவையும் தட்சிணாமூர்த்தியையும் வழிபடவும்.
மீன ராசி வாசகர்களே
உங்கள் ராசிக்கு 2-ல் சுக்கிரனும், 3-ல் சூரியனும் 6-ல் ராகுவும் 7-ல் குருவும் உலவுவது சிறப்பாகும். எதிரிகள் அடங்கிப் போவார்கள். வெளிநாட்டுத் தொடர்பால் நலம் உண்டாகும். பயணம் பயன்படும். வழக்கில் நல்ல திருப்பம் ஏற்படும். நல்லவர்கள் உங்களுக்கு உதவுவார்கள். சுப காரியங்கள் நிகழும். பண நடமாட்டம் அதிகமாகும். ஸ்பெகுலேஷன் துறைகள் லாபம் தரும். குடும்பத்தில் குதூகலம் நிறைந்திருக்கும். விருந்து, உபசாரங்களிலும் கேளிக்கை, உல்லாசங்களிலும் ஈடுபாடு கூடும். அரசியல் ஈடுபாடு ஆக்கம் தரும். முக்கியப் பதவிகளும் பட்டங்களும் கிடைக்கும். மேலதிகாரிகள் உங்களைப் பாராட்டுவார்கள். பதவி உயர்வு, இடமாற்றம், ஊதிய உயர்வு கிடைக்கும். வாழ்வில் முன்னேற்றம் காண நல்ல வாய்ப்புக்கள் கூடிவரும். கணவனால் மனைவிக்கும் மனைவியால் கணவனுக்கும் அனுகூலம் உண்டாகும். கூட்டுத் தொழில் லாபம் தரும்.
அதிர்ஷ்டமான தேதிகள்: ஜூன் 1, 4.
திசைகள்: தென்மேற்கு, தென்கிழக்கு, வடகிழக்கு, கிழக்கு.
நிறங்கள்: புகைநிறம், இளநீலம், வெண்மை, ஆரஞ்சு.
எண்கள்: 1, 3, 4, 6. l பரிகாரம்: மகாவிஷ்ணுவை வழிபடவும்.
