மேஷ ராசி வாசகர்களே
உங்கள் ஜன்ம ராசியில் சுக்கிரனும் 3-ல் சூரியனும் செவ்வாயும் 11-ல் கேதுவும் உலவுவதால் குடும்ப நலம் சீராகும். தோற்றப்பொலிவு கூடும். பேச்சில் திறமை வெளிப்படும். போட்டிகளிலும் வழக்குகளிலும் வெற்றி கிட்டும். இசைக் கலைஞர்கள் புகழோடு பொருளும் பெறுவார்கள். l நிலபுலங்கள் சேரும். சொத்துக்கள் மூலம் வருவாயும் கிடைக்கும். அரசு உதவி பெற வாய்ப்புக்கூடிவரும். நிர்வாகத் திறமை பளிச்சிடும். உடன்பிறந்தவர்கள் உதவுவார்கள். எலக்ட்ரானிக், கம்ப்யூட்டர் துறைகளில் லாபம் இருக்கும். ஆன்மிகப் பணிகளில் நாட்டம் உண்டாகும். ராகு 5-லும், குரு 6-லும் உலவுவதால் மக்கள் நலம் பாதிக்கும். பொருளாதாரப் பிரச்சினைகள் ஏற்படும். அதிர்ஷ்டத்தை நம்பி ஏமாற வேண்டாம். சனி 8-ல் இருப்பதால் அதிகம் உழைக்க வேண்டிவரும். கெட்டவர்களின் தொடர்புகூடாது. நல்லவர்களின் நட்பை நாடிப் பெற்று, அவர்களின் ஆலோசனைகளை மதித்து ஏற்றுக் கொள்வது நல்லது. தொழிலில் அதிக கவனம் தேவை.
அதிர்ஷ்டமான தேதிகள்: ஜூன் 23, 25, 26, 28.
திசைகள்: வடமேற்கு, தென்கிழக்கு, தெற்கு, கிழக்கு
நிறங்கள்: சிவப்பு, வெண்மை, இளநீலம், ஆரஞ்சு.
எண்கள்: 1, 6, 7, 9.
பரிகாரம்: புதனுக்கும், சனிக்கும் அர்ச்சனை, ஆராதனைகள் செய்யவும். திருமாலையும், ஆஞ்சநேயரையும் வழிபடவும்.
ரிஷப ராசி வாசகர்களே
உங்கள் ராசிக்கு 2-ல் புதனும் 5-ல் குருவும் 10-ல் கேதுவும் 12-ல் சுக்கிரனும் உலவுவது நல்லது. செல்வாக்கும் மதிப்பும் உயரும். வாழ்க்கை வசதிகளைப் பெருக்கிக் கொள்ளச் சந்தர்ப்பம் கூடிவரும். பேச்சில் திறமை வெளிப்படும். கண்டிப்பும் கறாரும் கூட இருக்கும். குடும்பத்தில் சிறு சண்டை, சச்சரவுகள் ஏற்பட்டு விலகும். வீண் விவகாரங்களில் ஈடுபடலாகாது. நல்ல தகவல் ஒன்று வந்து சேரும். ஜலப்பொருட்கள் லாபம் தரும். வியாபாரத்தில் வளர்ச்சி காண வாய்ப்புகள் கூடிவரும். உத்தியோகஸ்தர்கள் தங்கள் நிலைமையில் வளர்ச்சி காண்பார்கள். மாணவர்களது நோக்கம் நிறைவேறும். ஆன்மிகவாதிகளுக்கு மதிப்பு உயரும். 4-ல் ராகுவும் 7-ல் சனியும் இருப்பதால் கெட்டவர்களின் தொடர்புக்கு இடம் தரலாகாது. குரு பலம் இருப்பதால் பண வரவு கூடும். திடீர் அதிர்ஷ்ட வாய்ப்புகளும் கூடிவரும். சுப காரியங்கள் நிகழ வாய்ப்புக் கூடிவரும். மகப்பேறு பாக்கியம் சிலருக்கு கிடைக்கும். நல்லவர்கள் உங்களுக்குப் பக்கபலமாக இருப்பார்கள். சிந்தனையில் தெளிவு பிறக்கும். தெய்வானுகூலம் ஏற்படும்.
அதிர்ஷ்டமான தேதிகள்: ஜூன் 23, 25, 26, 28. . .
திசைகள்: வடகிழக்கு, தென்கிழக்கு, வடமேற்கு, வடக்கு.
நிறங்கள்: மெரூன், வெண்மை, பொன் நிறம், பச்சை.
எண்கள்: 3, 5, 6, 7.
பரிகாரம்: செவ்வாய்க்கும் முருகனுக்கும் அர்ச்சனை, ஆராதனைகள் செய்யவும்.
மிதுன ராசி வாசகர்களே
உங்கள் ராசிநாதன் புதன் ராசியிலேயே இருப்பது நல்லது. 3-ல் ராகுவும், 6-ல் சனியும், 11-ல் சுக்கிரனும் சஞ்சரிப்பதால் மதிப்பு உயரும். பயணத்தால் அனுகூலம் உண்டாகும். நண்பர்களும் உறவினர்களும் உதவுவார்கள். உழைப்பு வீண்போகாது. பொது நலப்பணிகளில் ஈடுபாடு அதிகரிக்கும். கலைத்துறையினருக்கு வெற்றிகள் குவியும். மாதர்களது எண்ணம் நிறைவேறும். ஆடை, அணிமணிகள் சேரும். அவற்றால் ஆதாயமும் கிடைக்கும். ஆடவர்களுக்கு பெண்களால் நலம் உண்டாகும். ஜன்ம ராசியில் சூரியனும் செவ்வாயும் இருப்பதால் உஷ்ணாதிக்கம் கூடும். தலை சம்பந்தமான உபாதைகள் ஏற்படும். எதிரிகள் இருப்பார்கள். பக்குவமாகச் சமாளிப்பது நல்லது. எக்காரியத்திலும் பதற்றம் கூடாது. 9-ல் கேது இருப்பதால் தந்தை நலனில் கவனம் தேவைப்படும். குரு 4-ல் இருந்தாலும் 10-ம் இடத்தைப் பார்ப்பதால் செய்து வரும் தொழிலில் சீரான வளர்ச்சியைக் காணலாம். வீண் அலைச்சலைத் தவிர்க்கவும். அயல்நாட்டுத் தொடர்பு பயன்படும். வாரப் பின்பகுதியில் பண வரவு கூடும்.
அதிர்ஷ்டமான தேதிகள்: ஜூன் 23, 25, 26, 28.
திசைகள்: தென்கிழக்கு, தென்மேற்கு.
நிறங்கள்: வெண்மை, இளநீலம், வெண்சாம்பல்.
எண்கள்: 4, 5, 6, 8.
பரிகாரம்: சுப்பிரமணியரை வழிபடுவது நல்லது.
கடக ராசி வாசகர்களே
கோசாரப்படி கிரகங்கள் சாதகமாக உலவவில்லை. சந்திரன் மட்டுமே ஓரளவு நலம் புரிவார். ஜனன கால ஜாதகப்படி தற்சமயம் யோக பலம் உள்ள தசை, புக்தி, அந்தரங்கள் நடைபெறுமானால் கவலைப்படத் தேவையில்லை. ஜாதக பலமும் இல்லாதவர்களுக்கு துன்பங்களும் துயரங்களும் அதிகரிக்கும். இறை வழிபாட்டிலும், கிரக வழிபாட்டிலும் முழுமையாக ஈடுபடுவது நல்லது. பெரியவர்கள், ஆன்மிகவாதிகள், ஞானிகள் ஆகியோரது நல்லாசிகளைப் பெறுவதன் மூலம் சங்கடங்கள் குறைய வாய்ப்புண்டு. எழுத்தாளர்கள், பத்திரிகையாளர்கள், கடல் வாணிபம் செய்பவர்களுக்கெல்லாம் அளவோடு நலம் உண்டாகும். வாரப் பின்பகுதியில் ஜலப் பொருட்களால் லாபம் கிடைக்கும். பொருளாதாரப் பிரச்சினைகள் ஏற்படும். வீண் செலவுகளைத் தவிர்ப்பதுடன், கைப்பொருளைப் பத்திரப்படுத்தி வைத்துக் கொள்வது நல்லது. அரசாங்கம் மற்றும் உடன்பிறந்தவர்கள் மூலம் பிரச்சினைகள் சூழும். கண், கால் சம்பந்தமான உபத்திரவங்கள் ஏற்படும். மக்களால் மன அமைதி குறையும். தொழிலில் விரும்பத்தகாத மாற்றங்கள் உண்டாகும். சகிப்புத் தன்மையும் பொறுமையும் அவசியம் தேவைப்படும் நேரமிது.
அதிர்ஷ்ட தேதிகள்: ஜூன் 23, 26, 28. .
திசைகள்: வடமேற்கு, தென்கிழக்கு.
நிறங்கள்: வெண்மை, இளநீலம்.
எண்கள்: 2, 6.
பரிகாரம்: குல தெய்வ வழிபாடு நலம் தரும். நவக்கிரக வழிபாடு செய்வது சிறப்பாகும்.
சிம்ம ராசி வாசகர்களே
உங்கள் ராசிக்கு 2-ல் குருவும் 9-ல் சுக்கிரனும் 11-ல் சூரியனும் செவ்வாயும் புதனும் உலவுவது சிறப்பாகும். எடுத்த காரியத்தில் வெற்றி கிட்டும். செல்வாக்கும் மதிப்பும் உயரும். நண்பர்களும் உறவினர்களும் உதவுவார்கள். ஒன்றுக்கு மேற்பட்ட வகையில் ஆதாயம் கிடைக்கும். பொருளாதார நிலை திருப்திகரமாக இருந்துவரும். பதவி உயர்வு, இடமாற்றம், ஊதிய உயர்வு கிடைக்கும். அரசுப்பணிகள் ஆக்கம் தரும். அரசியல்வாதிகளுக்கு வரவேற்பு கூடும். எதிரிகள் ஓடி ஒளிவார்கள். வியாபாரிகளுக்கு லாபம் அதிகமாகும். எலக்ட்ரிக்கல், எலக்ட்ரானிக்ஸ் துறைகளில் ஆதாயம் கிடைக்கும். நிலம், மனை, வீடு, வாகனங்கள் சேரும். சொத்துக்கள் மூலம் வருவாயும் கிடைக்கும். குடும்பத்தில் குதூகலம் நிறைந்திருக்கும். திருமணம் போன்ற சுப காரியங்கள் நிகழும். வாரப் பின்பகுதியில் செலவுகள் சற்று அதிகரிக்கும். வீண் அலைச்சல் ஏற்படும். உடல் சோர்வு உண்டாகும். புதியவர்களிடம் அதிகம் நெருக்கம் வேண்டாம்.
அதிர்ஷ்டமான தேதிகள்: ஜூன் 15, 23, 25,.
திசைகள்: தெற்கு, வடகிழக்கு, கிழக்கு, வடக்கு, தென்கிழக்கு.
நிறங்கள்: சிவப்பு, பொன் நிறம், ஆரஞ்சு.
எண்கள்: 1, 3, 5, 6, 9.
பரிகாரம்: பராசக்தியை வழிபடுவது நல்லது.
கன்னி ராசி வாசகர்களே
உங்கள் ராசிக்கு 3-ல் சனியும் 6-ல் கேதுவும் 8-ல் சுக்கிரனும் 10-ல் சூரியனும் செவ்வாயும் புதனும் உலவுவது நல்லது. தொலைதூரத் தொடர்பால் நலம் உண்டாகும்,. தான, தர்மப்பணிகளிலும் தெய்வப் பணிகளிலும் ஈடுபாடு அதிகரிக்கும். பொது நலப்பணிகளில் ஈடுபாடு கூடும். நிர்வாகத்துறையினருக்கு வரவேற்பு அதிகமாகும். தந்தையால் நலம் ஏற்படும். உடன்பிறந்தவர்கள் உதவி புரிவார்கள். வியாபாரம் பெருகும். கணிதம், எழுத்து,, பத்திரிகை, தரகுத் துறையினர் வளர்ச்சி காண்பார்கள். அரசு உதவி கிடைக்கும். அரசியல்வாதிகளுக்கு மதிப்பு உயரும். எலக்ட்ரானிக்ஸ், எலக்ட்ரிக்கல் துறைகள் லாபம் தரும். நிலம், மனை, வீடு, வாகனங்களால் ஆதாயம் கிடைக்கும். புதிய பொருட்களும் சேரும். திரவப் பொருட்களால் லாபம் பெற வாய்ப்பு கூடிவரும். எதிரிகள் அடங்குவார்கள். போட்டிப் பந்தயங்களிலும் விளையாட்டு விநோதங்களிலும் வெற்றி கிடைக்கும். வாரக் கடைசியில் எதிர்பாராத செலவுகள் ஏற்படும். சிக்கன நடவடிக்கை தேவை. பயணத்தின்போது விழிப்புடன் இருப்பது நல்லது.
அதிர்ஷ்டமான தேதிகள்: ஜூன் 23, 25, 26.
திசைகள்: மேற்கு, தென்கிழக்கு, வடமேற்கு, வடக்கு.
நிறங்கள்: நீலம், மெரூன்,, பச்சை.
எண்கள்: 1, 6, 6, 7, 8, 9.
பரிகாரம்: துர்க்கை அம்மனை வழிபடவும்.
துலாம் ராசி வாசகர்களே
உங்கள் ராசிக்கு 11-ல் உலவும் ராகு நலம் புரியும் நிலையில் இருக்கிறார். 9-ல் உலவும் புதனும் அளவோடு உதவுவார். இதர கிரகங்களின் சஞ்சாரம் சிறப்பாக இல்லை. ராசிநாதன் சுக்கிரன் 7-ல் இருந்தாலும் ராசியைப் பார்ப்பது நல்லது. இதனால் உங்கள் மதிப்பு உயரும். உடல் நலம் கவனிப்பின் பேரில் சீராகவே இருந்துவரும். நண்பர்களும் உறவினர்களும் நலம் புரிவார்கள். வாரப் பின்பகுதியில் தான, தர்மப்பணிகளிலும் தெய்வப் பணிகளிலும் ஈடுபாடு உண்டாகும். செய்து வரும் தொழிலில் சீரான வளர்ச்சியைக் காணலாம். வியாபாரிகளுக்கு லாபம் கூடும். ஜலப்பொருட்கள் ஆதாயம் கொண்டுவரும். எழுத்தாளர்களுக்கும் பத்திரிகையாளர்களுக்கும் முன்னேற்றமான சூழ்நிலை நிலவிவரும். பயணத்தால் அனுகூலம் உண்டாகும். புதியவர்களின் தொடர்பும் அதனால் அனுகூலமும் உண்டாகும். ஏற்றுமதி இறக்குமதி இனங்களால் ஆதாயம் கிடைக்கும். கணவன் மனைவி உறவு நிலை சீராக இராது. 5-ல் கேதுவும் 12-ல் குருவும் இருப்பதால் மக்களால் மன அமைதி குறையும். அதிர்ஷ்ட வாய்ப்புக்களை எண்ணி ஏமாற வேண்டாம். கர்ப்பிணிப் பெண்கள் விழிப்புடன் இருப்பது நல்லது. வயிறு சம்பந்தமான உபாதைகள் ஏற்படும். மறதியால் அவதி ஏற்படும்.
அதிர்ஷ்டமான தேதிகள்: ஜூன் 25, 26, 28.
திசைகள்: தென்மேற்கு, வடக்கு.
நிறங்கள்: சாம்பல்நிறம், பச்சை .
எண்கள்: 4, 5.
பரிகாரம்: குருவையும் கேதுவையும் தட்சிணாமூர்த்தியையும், விநாயகரையும் வழிபடவும்.
விருச்சிக ராசி வாசகர்களே
உங்கள் ராசிக்கு 8-ல் புதனும் 10-ல் ராகுவும் 11-ல் குருவும் உலவுவது சிறப்பாகும். நல்லவர்கள் உங்களுக்கு உற்ற துணையாக இருப்பார்கள். நல்ல காரியங்களில் ஈடுபாடு உண்டாகும். பிறரிடம் சுமுகமாகப் பழகுவீர்கள். கூட்டுத் தொழிலில் ஓரளவு லாபம் கிடைக்கும். பயணத்தால் அனுகூலம் உண்டாகும். எதிர்ப்புகள் இருக்கும் என்றாலும் அவற்றைச் சமாளிக்கும் புத்திசாலித்தனம் அமையும். சூரியனும் செவ்வாயும் 8-ல் இருப்பதால் அரசுப் பணிகளில் விழிப்பு தேவை. தந்தை நலனில் கவனம் செலுத்த வேண்டிவரும். எக்காரியத்திலும் பதற்றம் கூடாது. பொறுமை அவசியம் தேவை. உடலில் காயம்பட நேரலாம். மின்சாரம், எரிபொருள், கட்டடப் பொருள், வெடிப்பொருள், கூரிய ஆயுதங்கள் ஆகியவற்றைப் பயன்படுத்தும்போது எச்சரிக்கை தேவை. வாரப் பின்பகுதியில் புனிதமான காரியங்களில் ஈடுபாடு கூடும். தொலைதூரத் தொடர்பு பயன்படும். பொருளாதார நிலை உயரும். அதிர்ஷ்ட வாய்ப்புக்கள் கூடிவரும். தான, தர்மப்பணிகளிலும், தெய்வப் பணிகளிலும் ஈடுபாடு கூடும். திரவப் பொருட்களால் லாபம் கிடைக்கும்.
அதிர்ஷ்டமான தேதிகள்: ஜூன் 23, 26, 28. .
திசைகள்: தென்மேற்கு, வடகிழக்கு, வ்டக்கு.
நிறங்கள்: வெண்சாம்பல்நிறம், பொன் நிறம், பச்சை
எண்கள்: 3, 4, 5.
பரிகாரம்: சூரியன், செவ்வாய் ஆகியோருக்குப் பிரீதி, பரிகாரங்கள் செய்து கொள்வது நல்லது. திருமுருகனை வழிபடவும்.
தனுசு ராசி வாசகர்களே
உங்கள் ராசிக்கு 3-ல் கேதுவும், 5-ல் சுக்கிரனும் உலவுவது நல்லது. எதிர்ப்புகளைச் சமாளிக்கும் சக்தி உண்டாகும். போட்டிகளில் வெற்றி கிட்டும். தியானம், யோகாவில் ஈடுபாடு கூடும். ஆன்மிகவாதிகளுக்கு மதிப்பு உயரும். கலைஞர்கள் வெற்றி நடைபோடுவார்கள். பெண்களுக்கு மன மகிழ்ச்சி அதிகரிக்கும். கேளிக்கை, உல்லாசங்களிலும்; விருந்து, உபசாரங்களில் ஈடுபாடு அதிகமாகும். நல்லவர்களின் நட்பு நலம் சேர்க்கும். கூட்டுத் தொழில் லாபம் தரும். பெண்களால் ஆடவர்களுக்கு அனுகூலம் உண்டாகும். கணவன் மனைவி இடையே சிறுசிறு சச்சரவுகள் ஏற்பட்டு விலகும். பயணத்தின்போதும் இயந்திரங்களில் பணிபுரியும்போதும் எச்சரிக்கை தேவை. வாரப் பின்பகுதியில் பிரச்சினைகள் சற்று அதிகரிக்கும். மனத்தில் சலனம் உண்டாகும். உத்தியோகஸ்தர்கள், உழைப்பாளர்கள், ஆசிரியர்கள் ஆகியோர் பொறுப்புடணர்ந்து கடமையாற்றினால் சரிவுக்கு ஆளாகாமல் தப்பலாம். பொருள் கொடுக்கல்-வாங்கலில் கவனம் தேவை. பெற்றோருக்கும் மக்களுக்கும் இடையே கருத்து வேறுபாடுகள் ஏற்படும். வயிறு சம்பந்தமான உபாதைகள் ஏற்படும். உடல் நலனில் கவனம் தேவை.
அதிர்ஷ்டமான தேதிகள்: ஜூன் 23, 25, 28.
திசைகள்: வடமேற்கு, தென்கிழக்கு.
நிறங்கள்: மெரூன், இளநீலம், வெண்மை.
எண்கள்: 6, 7.
பரிகாரம்: குருவுக்கும் தட்சிணாமூர்த்திக்கும் நெய்தீபம் ஏற்றி வழிபடவும்.
மகர ராசி வாசகர்களே
உங்கள் ராசிக்கு 4-ல் சுக்கிரனும் 6-ல் சூரியனும் செவ்வாயும் புதனும் 9-ல் குருவும் 11-ல் சனியும் உலவுவது சிறப்பாகும். அறிவாற்றல் பளிச்சிடும். மனத்தில் தெளிவும் தன்னபிக்கையும் கூடும். வழக்கில் நல்ல தீர்ப்பு கிடைக்கும். எதிரிகள் விலகிப் போவார்கள். காரியத்தில் வெற்றி கிடைக்கும். அரசுப்பணிகள் ஆக்கம் தரும். அரசியல்வாதிகளுக்கு மதிப்பு உயரும். பதவி உயர்வு, இடமாற்றம், ஊதிய உயர்வு கிடைக்கும். விளையாட்டு விநோதங்களில் வெற்றி பெற வாய்ப்பு உண்டாகும். எலக்ட்ரிக்கல், எலக்ட்ரானிக்ஸ் துறைகள் லாபம் தரும். நிலம், மனை, வீடு, வாகனச் சொத்துக்க்ள் சேரும். சொத்துக்களால் ஆதாயமும் கிடைக்கும். பெரியவர்கள், தனவந்தர்களின் சந்திப்பும் ஆதரவும் பெறச் சந்தர்ப்பம் கூடிவரும். திருமணம் போன்ற சுப காரியங்கள் நிகழும். பயணத்தால் அனுகூலம் உண்டாகும் என்றாலும் பாதுகாப்பும் தேவை. கூட்டுத் தொழிலில் வளர்ச்சி காணலாம். உத்தியோகஸ்தர்களுக்கும் தொழிலாளர்களுக்கும் முன்னேற்றமான சூழ்நிலை நிலவிவரும். செலவுகள் சற்று அதிகரிக்கும் என்றாலும் சமாளிப்பீர்கள்.
அதிர்ஷ்டமான தேதிகள்: ஜூன் 23, 25, 26.
திசைகள்: தென்கிழக்கு, மேற்கு, வடகிழக்கு, வடக்கு.
நிறங்கள்: நீலம், வெண்மை, பொன் நிறம், சிவப்பு.
எண்கள்: 1, 3, 5, 6, 8, 9.
பரிகாரம்: நாகரை வழிபடுவது நல்லது. கணபதியையும், துர்க்கையையும் வழிபடவும்.
கும்ப ராசி வாசகர்களே
உங்கள் ராசிக்கு 3-ல் சுக்கிரனும் 10-ல் சனியும் உலவுவது நல்லது. நண்பர்களும் உறவினர்களும் உதவுவார்கள். மக்கள் நலம் கவனிப்பின்பேரில் சீராக இருந்துவரும். எதிர்ப்புகள் குறையும். உடன்பிறந்த சகோதரிகள் நலம் புரிவார்கள். கலைத்துறையினருக்கு வெற்றி வாய்ப்புக்கள் கூடும். மாதர்களது எண்ணம் நிறைவேறும். போட்டிகளில் வெற்றி கிட்டும். தொழிலாளர்களுக்கும் விவசாயிகளுக்கும் முன்னேற்றமான சூழ்நிலை நிலவிவரும். குரு 8-ல் இருப்பதால் சுப காரியங்கள் நிகழக் குறுக்கீடுகள் முளைக்கும். மக்களால் சிறுசிறு பிரச்சினைகள் சூழும். வங்கிகள், சேமிப்பு நிறுவனங்கள், கருவூலப் பணிகளில் இருப்பவர்கள் விழிப்புடன் செயல்பட்டால் சங்கடங்களுக்கு ஆளாகாமல் தப்பலாம். உத்தியோகஸ்தர்களுக்கும் ஆசிரியர்களுக்கும் முன்னேற்றம் தடைப்படும். ஜன்ம ராசியில் கேதுவும் 7-ல் ராகுவும் இருப்பதால் சிறுசிறு பிரச்சினைகள் அவ்வப்போது ஏற்படும். வயிறு சம்பந்தமான உபாதைகள் ஏற்படும். உடல் ஆரோக்கியத்தில் கவனம் தேவை. கோபத்தைக் குறைத்துக் கொள்வது நல்லது.
அதிர்ஷ்டமான தேதிகள்: ஜூன் 23, 25, 26, 28. .
திசைகள்: தென்கிழக்கு, மேற்கு, வடக்கு.
நிறங்கள்: நீலம், வெண்மை, பச்சை.
எண்கள்: 5, , 6, 8.
பரிகாரம்: அஷ்டமத்தில் உலவும் குருவுக்கு அர்ச்சனை, ஆராதனைகள் செய்வது அவசியமாகும். நாக பூஜை செய்யவும்.
மீன ராசி வாசகர்களே
உங்கள் ராசிக்கு 2-ல் சுக்கிரனும், 4-ல் புதனும் 6-ல் ராகுவும் 7-ல் குருவும் உலவுவது சிறப்பாகும். நல்ல தகவல் ஒன்று வந்து சேரும். மனத்தில் துணிவு பிறக்கும். உடன்பிறந்தவர்கள் உதவிபுரிவார்கள். அலைச்சல் கூடும் என்றாலும் அதற்கான பயன் கிடைக்கும். மார்பு, இதயம் சம்பந்தமான உபாதைகள் ஏற்படும். நண்பர்களாலும் உறவினர்களாலும் நலம் உண்டாகும். புதிய சொத்துகள் சேரும். மக்களால் மன மகிழ்ச்சி கூடும். பண நடமாட்டம் அதிகரிக்கும். திடீர் அதிர்ஷ்ட வாய்ப்புக்கள் கூடிவரும். மகப்பேறு பாக்கியம் கிட்டும். திரவப் பொருட்களால் லாபம் கிடைக்கும். வெளியூர், வெளிநாட்டுத் தொடர்புகள் பயன்படும். கலைத்துறையினருக்கு முன்னேற்றமான சூழ்நிலை நிலவிவரும். மாதர்களது நோக்கம் நிறைவேறும். ஆடை, அணிமணிகள், அலங்காரப்பொருட்கள் சேரும். அவற்றால் ஆதாயமும் கிடைக்கும். கணிதம், எழுத்து, பத்திரிகை, தரகுத் துறைகள் லாபம் தரும். பயணத்தின் மூலம் முக்கியமான காரியம் நிறைவேறும். திருமணம் போன்ற சுப காரியங்கள் நிகழும். தெய்வப் பணிகளில் ஈடுபாடு அதிகரிக்கும். சிலருக்கு மந்திர சித்தி ஏற்படும். குருவருளால் திருவருள் கிடைக்கும்.
அதிர்ஷ்டமான தேதிகள்: ஜூன் 23, 25, 26, 28.
திசைகள்: தென்மேற்கு, தென்கிழக்கு, வடகிழக்கு, வடக்கு.
நிறங்கள்: புகைநிறம், இளநீலம், வெண்மை, பச்சை
எண்கள்: 3, 4, 5, 6.
பரிகாரம்: சூரியனை வழிபடவும். ஆதித்ய ஹ்ருதயம் பாராயணம் செய்யவும்.
Do you mind if I quote a couple of your articles as long as I provide credit and sources back to your website?
My blog site is in the exact same area of interest as yours and my visitors would genuinely benefit from a lot of the information you provide here.
Please let me know if this okay with you. Thanks a lot!